«Акталган үмүт» — ырлар жыйнагы
Жолуга турган кез келээр
Өзүмө өзүм сырдашып,
Отурсам үнсүз ыр жазып.
Чөмүлүп түпсүз ойлорго,
Турганда келсең бир басып.
Асманды, жерди чабыттап,
Көңүлдү турса ой басып,
Жарк этип күлүп – жылмайып,
Жаныма келсең – ал бакыт.
Адашып далай кайыктай,
Картаңып жара айыкпай,
Алыстап кетти арабыз,
Тереңде сүзгөн балыктай.
Таарынычтар айтылып,
Өткөндүн баары эстелээр.
Айыктырат өткөн күн,
Жолуга турган кез келээр.
Кыргызча көркөм окуу · aibek